早前分享過常見貸款唔批及如何提升TU嘅貼士，講到還款清數，發現大家犯錯嘅機會都幾高，以下分享一啲清數貼士，希望可以同自己講「但我答應我，永不要重複犯錯」！
遲還同走數後果嚴重
按時還款，有助改善TU信貸評級，遲交卡數或遲交供款的記錄，有關紀錄會保留5年，造成負面影響，另外，各金融機構或會收取遲還罰款及罰息，嚴重遲還或會收到追款公司的通知。還款清數都要有技巧，以下有啲貼士俾大家參考：
切勿以「卡冚卡」還卡數
信用卡嘅利息會越滾越大，有啲人覺得去申請貸款好麻煩又怕唔批，趕住要還錢，有啲人會選擇用另一張信用卡現金透支找數，俗稱「卡冚卡」，留意返，呢種極為邪惡嘅方便其實利息仲貴，只會令你嘅卡數不斷叠加，幫唔到成件事，而你嘅信用卡數量有限，滾大咗嘅利息將一發不可收拾！所以大家爭卡數第一時間應該將啲卡留喺安全嘅地方，唔好再碌卡亦唔好好做現金透支。
比較及尋找合適貸款方案
卡數債務多到自己都唔記邊啲還咗幾多，有啲好似還極都還唔完，希望將卡數整合，以及慳利息，好多人第一時間會問發卡銀行幫手清數，但事與願違，一查TU，銀行同你講幫唔到手之餘，同時查詢幾間仲有機會降Grade，要清數就難上加難。
至於財務公司，要小心選擇持牌嘅金融機構，留意返，剛剛「上會」嘅財務公司戶口，亦會觀察你的供款情況才會批出大額貸款，所以好多時唔會幫你清數，即係⋯⋯等下啦，如果有金融機構表示有興趣回應你清數嘅訴求，請乖乖地如實報清楚外債情況再了解更優惠嘅方案。
喺申請大額貸款時，尤其係「清數」呢類令人覺得你有還款困難嘅要求，可以試下下載MONEY PLAZA貸款比較應用程式，睇清楚分期私人貸款、清卡數定結餘轉戶計劃先啱你，了解清數貼士，增加成功率。
審視個人財務改善消費習慣
當搵啱分期清數嘅方案，必須準時還款 ，同時審視下自己平時嘅消費習費，唔好咁大駛，放工有時間就早兩個站落車慳返車錢，亦可以工餘時間做啲秘撈，唔好隨時使用信用卡，慢慢建立好個人信貸評級，喺有空間嘅情況下開始儲蓄計劃。
