按揭知多D 上會有方法
財務公司按揭利息比銀行高咁多，點解仲咁多人用?
不如先講下銀行同財務公司按揭既優點同缺點。
銀行按揭的優勢與缺點
- 優點：利息平
- 缺點：批核慢、文件及入息要充足、要通過壓力測試、金管局監管按揭成數上限
銀行既優點係利息平，但批核就會比較慢，文年同入息都要充足，更要通過壓力測試，而且金管局會監管按揭成數上限，需要通過DSR供款與入息比率，而且需要參考信貸報告等，審批時間比較長，有機會批唔足。
財務公司按揭的優勢與缺點
- 優點：批核快、文件及入息要求較有彈性、不要通過壓力測試、不受金管局監管
- 缺點：利息貴
財務公司既優點就係批核快，文件同入息要求比較有彈性，唔需要通過壓力測試，亦唔需要受金管局監管，缺點就係利息貴。
申請按揭所需文件
銀行按揭需要既文件就需要有收入證明，例如僱傭合約、最近3-6個月既銀行月結單，而且要有出糧記錄、最近既稅單以及強積金記錄，仲要住址證明。
而財務公司需要既文件就需要有收入證明、最近3個月既銀行月結單同住址證明，只要能提供收入來源，就可計入收入證明，相對會比較有彈性。
| 銀行按揭所需文件 | 財務公司按揭所需文件 |
| 收入證明 （如僱傭合約） | 收入/工作證明 |
| 最近3－6個月銀行月結單（要有出糧記錄） | 最近3個月銀行月結單 |
| 最近稅單、強積金紀錄 | 住址證明 |
| 住址證明 |
點解仲咁多人用財務公司做頭按?
財務公司做頭按都係過度性質，方便客戶資金充裕的時候或自身條件改善後，再轉按予銀行以節省利息。
